Dende hai un par de semanas estamos a observar na ribeira de Neda un nutrido grupo de mazaricos mouros, ás veces en grupos de cinco, seis, oito, e incluso quince exemplares que se deixan ver a gusto e que puidemos afotar moi ben nestes días, nalgunhas fotos podedes observar incluso os reflexos verdes e violetas da súa plumaxe. Actualmente as colonias máis importantes deste tipo de mazaricos están no Mediterráneo oriental, o Mar Negro, italia e Marrocos. Na Penínsla Ibérica aniña esporádicamente en Doñana e no Levante pero en Galicia trátase dunha ave que se observa raramente de maio a setembro normalmente. Adoita alimentarse de vermes, moluscos, insectos, anfibios e pequenos peixes.
Vos deixamos algunhas fotos destes días para que as disfrutedes coma nós.