Dende onte, os alumnos e alumnas do colexio de Andrade en Pontedeume poden desfrutar das fotos que conforman a nosa exposición adicada ás aves da contorna, máis de 30 fotografías acompañadas dos seus textos e doutros materiais didácticos sobre o tema para que os mestres e mestras desta escola poidan axudar ao seu alumnado a coñecer un pouco máis a fauna que nos rodea. Un placer compartir coas escolas os nosos materiais!