Despois de varios días de chuvia por fin o pasado sábado 6 de abril escampou e os voluntarios de Néboa Medio Ambiente poidemos subir a o monte de Ancos a traballar na nosa plantación. Na ladeira do monte temos un pequeno terreo cedido polo concello de Neda onde hai xa anos vimos traballando primeiro cos nenos e nenas do clube de educación ambiental Chuvieira e despois cos voluntarios da entidade para reforestar a zona. Nesa ladeira zoa tanto o vento e o terreo é tan pedregoso que tras probar con especies autóctonas como os castiñeiros e os carballos, axiña nos demos conta que só os bidueiros e os piñeiros son capaces de prender e sobrevivir á sequía da zona e ao vento que azota a maioría dos días este espazo. Os primeiros piñeiros e bidueiros xa teñen unha altura e grosor considerables, arredor de trescentas árbores temos alí plantadas, e a elas o sábado sumamos 28 novas árbores, 6 bidueiros e 18 piñeiros (media ducia serviron para sustituír piñeiros que plantamos hai dous anos pero que secaron e non foron adiante, e o resto se suman a esta plantación que cada ano procuramos revisar, limpar e aumentar). 

Temos que dar especialmente as grazas a Almu e Ramón, que sempre veñen plantar árbores con nós acompañados da súa filla Sara, a Lou, a Piñón e a Álvaro que nos acompañaron nesta xornada de amor ás árbores e de coidado do entorno. Todos os que participamos sentimos o placer do contacto coa terra, do aire na cara e do calor no corazón por celebrar un ano máis xuntos o DÍA DA ÁRBORE como sempre digo, como a nós nos gusta, plantando.

Coma sempre vos deixo algunhas imaxes da xornada.