Coma todos os anos, os membros de Néboa Medio Ambiente nos trasladamos ás fragas do Eume para pasar o verán colaborando coa asociación Escola de Tempo e Aire Libre Néboa no desenvolvemento de campamentos na natureza dirixidos a nenos e xoves, de campos de traballo de medio ambiente e de campamentos con discapacitados encargándonos da parte medio ambiental destas actividades, guiando roteiros de sendeirismo polas fragas de Vilarbó, desenvolvendo obradoiros de medio ambiente e asesorando as labores medio ambientais do campo de traballo. Moito esforzo en mes e medio e sempre unha enorme satisfacción e un privilexio poder durmir en plenas fragas, desfrutar do contacto directo coa natureza durante días, contribuír ao coidado das fragas coa plantación e o coidado de especies autóctonas que cada ano plantan os voluntarios dos campos de traballo e o campamento de discapacitados, e achegar xente nova a un espacio natural tan excepcional como son as fragas do Eume.