Na pasada ponte da constitución varios socios de Néboa Medio Ambiente nos xuntamos na área natural de Vilarbó para facer xabón; en Néboa nos gusta conservar antigas tradicións dos nosos avós e avoas, como pode ser esta de facero xabón, ao tempo que elaboramos produtos totalmente naturais ou que reciclamos aceite xa empregado na cociña; incluso o xabón elaborado pode convertirse nun bo agasallo de nadal co que podemos contribuir a un nadal máis natural, verde e ecolóxico.
Vos deixamos dúas receita; a primeira, a dun xabón cosmético que elaboramos a partir de aceite de oliva:
1.Mesturar ¼ de litro de auga con 100 gramos de sosa cáustica (da marca BOSQUE VERDE ou similar, canto máis cerca do 100 % de pureza mellor)
OLLO!!! A manipulación da sosa, sempre con luvas, e sen respirar os vapores que emana a mestura nos primeiros momentos.
2.Mesturar 450 gramos de aceite de oliva virxe con 50 gramos de aceite de coco, 25 gramos de cera de abella e 5 gramos de sal, e poñer a quentar.
3.Conseguir que as dúas mesturas teñen un temperatura en torno a 40-50 ºC; cando as dúas mesturas teñan a mesma temperatura xuntalas.
4.Bater coa batedora uns 5-15 minutos dependendo da temperatura ambiente, sempre a mesma dirección, ata conseguir que a mestura espese e ao avanzar a batedora quede o debuxo do seu camiñar tras dela; é o que se lle di “levantar a traza”.
5.Rápidamente engadir unhas gotas de aceite esencial, o que máis nos guste segundo as propiedades que queiramos conseguir no xabón (lavanda para un xabón relaxante, romeu para un xabón cicatrizante, loureiro para curar as dermatite, ..), e verter nun molde engrasado.
6.Tapar os moldes cun pano ata o día seguinte e entón desmoldar.
7.Deixar secar o xabón durante un mes nun sitio seco, tapado cun pano. O humedade, o tempo atmosférico, vai influir no proceso de secado.
8.Ao cabo dun mes cortar en pedazos se fixemos o xabón en forma de barra, e en calquera caso envolvelo con papel sulfurizado e decorar como queiramos.
A segunda receita vai ser a dun xabón para empregar no vertedoiro e fregar os cacharros, feito a partires de aceite de cociña usado; se trataría de seguir os pasos da receita anterior sustituíndo o aceite de oliva, o aceite de coco e a cera de abella por 500 gr. de aceite xa usado (evitar os aceites que poidan ter moito olor coma por exemplo o de fritir peixe, e colalo antes de empregalo); no punto 5 engadiríamos aceite de limón para que o xabón teña propiedades desengrasantes; a nós nos gustar engadir tamén un bob chorro de azulete que lle da un aspecto de ondas azuis moi estético.
Vos deixamos algunhas fotos; especialmente interesante a foto na que feitas as mesturas e o batido podedes observar o punto que chamamamos “levantar a traza”.
Animádevos a facer algún xabón, é moito máis doado do que poida parecer, eso sí, fundamental controlar as temperaturas das mesturas. Se tedes calquera dúbida podedes escribirnos a medioambiente@neboa.org
E POSTO QUE ESTA VAI SER A ÚLTIMA PUBLICACIÓN DO ANO APROVEITO DENDE AQUÍ PARA DESEXARVOS A TODOS UN MOI BO NADAL E UN MAGNÍFICO ANO 2.024!!!
