Hoxe pola mañá, na Casa das Palmeiras de Neda, tivo lugar o acto de inauguración da exposición fotográfica que recolle o traballo da agrupación ornitolóxica Andoriña nestes últimos anos no concello de Neda.

Polas restriccións da covid-19 a  presentación foi un acto sinxelo que contou coa presencia de membros da agrupación ornitolóxica e da asociación Néboa Medio Ambiente, coa presencia de dúas representantes da corporación municipal, e con algúns veciños de Neda que nos quixeron acompañar no arranque da exposición.

A mostra fotográfica, repartida nos dous andares da Casa das Palmeiras, recolle unha boa mostra das aves máis frecuentes na ribeira de Neda, ás beiras do Belelle e os campos e hortas do concello.

Permanecerá aberta dende hoxe ata o vindeiro día 24 de abril, de 17:30 a 20:00 de luns a venres, e de 11:00 a 13:30 os sábados.