Ao longo de todo o ano os socios e socias de Néboa Medio Ambiente acostuman a ir facendo as súas listas de desexos en canto a posibles compras de materiais para mellorar o traballo dentro da asociación, e chegados os meses de setembro e outubro nos poñemos en marcha para realizar esas compras, a maior parte das veces grazas á colaboración da Deputación da Coruña e as súas axudas tanto para a realización de actividades como para investimentos.

Nestes días acabamos de recibir parte dos materiais  didácticos que mercamos este ano para incorporar nas nosas actividades de educación ambiental así que estamos coma nenos con zapatos novos, encantados das compras e soñando coa morea de obradoiros e actividades nos que imos empregar os materiais.

Vos deixamos fotos dalgunhas das compras realizadas.